அமுக்கிரா

   

அமுக்கிரா
உயிரியல் வகைப்பாடு
திணை:	தாவரம்
துணைத்திணை:	Tracheobionta
பிரிவு:	பூக்கும் தாவரம்
வகுப்பு:	இருவித்திலையி
துணைவகுப்பு:	Asteridae
வரிசை:	கத்தரி வரிசை
குடும்பம்:	கத்தரிக் குடும்பம்
பேரினம்:	Withania
இனம்:	W. somnifera
இருசொற் பெயரீடு
Withania somnifera (லி.) Dunal, 1852
வேறு பெயர்கள்
Physalis somnifera

Withania somnifera

அமுக்கிரா, அமுக்கரா, அமுக்கிரி அல்லது அசுவகந்தி (Withania somnifera) மூலிகை மருத்துவத்தில் பயன்படும் ஒரு செடியாகும். 150 - 170 சென்ரி மீற்றர் உயரமாக வளர்கிறது. அதனை அசுவகந்தி என்றும் கூறுவர். இதன் வேரும் இலையுமே மருத்துவப் பயனுள்ளவை. அசுவம் என்றால் வடமொழியில் குதிரை என்பது பொருள். இதன் இலையை முகர்ந்தால் குதிரை நாற்றம் அடிப்பதால் அசுவகந்தா அல்லது அசுவகந்தா என்று வடமொழியில் அழைக்கப்படுகிறது. இதன் இலையை அரைத்து கட்டிகளின் மேலே பூசினால் கட்டிகளை அமுக்கிவிடும் அதனால் இதனை தமிழில் அமுக்கிரா என்று அழைக்கிறார்கள்.

மருத்துவ குணங்கள்[தொகு]

• அமுக்கிரா கிழங்கானது மூளையின் அழற்சி, வயோதிகம்^[1], போன்றவற்றில் இருந்து மூளை விடுபட பெரிதும் உதவுகின்றது. இரத்த ஒட்டத்தை அதிகரிக்கவும், சீராக்கவும் இது உதவுகிறது^[2]. சித்த, ஆயுர்வேத மருத்துகளில் முக்கிய இடம் வகிக்கிறது. சீன நாட்டு சின்செங் கிழங்கிற்கு இணையானது. நரம்பு தளர்ச்சி, உடல் வலிமை, ஆண்மை குறைவு ஆகியவற்றிற்கு இதன் கிழங்கு பயன்படுகிறது.